木船 (Closed)

今日去左食泰國菜，2個人食叫左牛雞串燒，溶岩椰青海鮮焗飯，泰式海鮮粉絲沙律，野飲就叫左香茅特飲，泰茶。第一樣黎到嘅係2杯野飲，香茅特飲，好重香茅味，味道重，但十分清新，配泰國菜可以解下油膩感。泰茶我係第一次見，配鮮忌廉，偏愛茶味嘅我都可以接受佢嘅甜味，而且有好獨特嘅茶香，絕對可以一試!。野食方面，泰式海鮮粉絲沙律帶少少酸辣，幾開胃，有蝦，青口等等嘅海鮮，海鮮爽口，清甜，成個沙律嘅組合好清新。溶岩椰青海鮮焗飯味道一流，本身隻白汁已經好香椰味，焗飯夠濕，擺左一陣仲保持到溫度，海鮮一樣質素唔錯，冇腥或者好韌，食完仲可以食埋D椰肉，夠鮮甜。椰青水仲會同焗飯一齊上。串燒燒得均勻，牛串燒唔韌，沙嗲雞串燒夠入味！配泰式甜醬都好夾。