Video
Read full review
2014-12-02
1594 views
聖誕將至，又喺商家、食肆各出奇謀嘅日子，當然，唔少甜品店都會乘時推出應節蛋糕或甜品，近日就得知2/3 Dolci又推出咗幾款聖誕蛋糕嚟應節，有個裝，亦有件裝，更有唔少其他聖誕相關嘅產品。小弟工作地點跟中環店咁近，無理由錯過架！一向以少甜主義專注製作意式雪糕、手工蛋糕及咖啡嘅2/3 Dolci，佢嘅意式雪糕出名好食，其實蛋糕都好有水準，之前就曾經試過佢嘅Millefogile（雜莓拿破崙蛋糕）、Daisy（伯爵茶慕絲蛋糕）、Passiflora（熱情果慕絲蛋糕）（詳細食評可瀏覽：http://www.openrice.com/restaurant/commentdetail.htm?commentid=2383752&con=rvw），各款蛋糕真喺做得細膩高質素，今次再臨品嚐新款聖誕蛋糕，同朋友提早慶祝聖誕節。聖誕有唔少朋友都喜歡開派對，加個聖誕蛋糕就更能增添氣氛，見2/3 Dolci嘅3款個裝聖誕蛋糕賣相非常吸引，包括：紅噹噹星形嘅荔枝玫瑰慕絲蛋榚「Christmas Amore」（$420 / LB、$620 / 2LB）、木頭外形嘅橙酒朱古力卷蛋「Yule Log」（$238）及嬌
一向以少甜主義專注製作意式雪糕、手工蛋糕及咖啡嘅2/3 Dolci，佢嘅意式雪糕出名好食，其實蛋糕都好有水準，之前就曾經試過佢嘅Millefogile（雜莓拿破崙蛋糕）、Daisy（伯爵茶慕絲蛋糕）、Passiflora（熱情果慕絲蛋糕）（詳細食評可瀏覽：http://www.openrice.com/restaurant/commentdetail.htm?commentid=2383752&con=rvw），各款蛋糕真喺做得細膩高質素，今次再臨品嚐新款聖誕蛋糕，同朋友提早慶祝聖誕節。
聖誕有唔少朋友都喜歡開派對，加個聖誕蛋糕就更能增添氣氛，見2/3 Dolci嘅3款個裝聖誕蛋糕賣相非常吸引，包括：紅噹噹星形嘅荔枝玫瑰慕絲蛋榚「Christmas Amore」（$420 / LB、$620 / 2LB）、木頭外形嘅橙酒朱古力卷蛋「Yule Log」（$238）及嬌柔雪白嘅士多啤梨意大利有氣葡萄酒卷蛋「Rotolo di Fragole」（$238）。幾款蛋糕嘅味道配搭都相當特別有心思，單想像已有一股衝動想試。
Rotolo di Fragole (Strawberry Prosecco Roll) $60荔枝玫瑰慕絲蛋榚及橙酒朱古力卷蛋只有個裝，唯獨士多啤梨意大利有氣葡萄酒卷蛋有件裝發售，咁……又豈能錯過。淡淡士多啤梨味嘅粉紅色蛋白海綿蛋糕，極之輕盈鬆軟，中間包住原粒新鮮士多啤梨，果肉清甜，不過，最驚喜喺加入咗意大利有氣葡萄酒所做嘅鮮忌廉，柔滑得嚟滲出朕朕葡萄酒芳香，好有創意。
Rotolo di Fragole (Strawberry Prosecco Roll)
$60
51 views
0 likes
0 comments
Neve (Mixed Berries Cheesecake) $48雖然明知喺用杯模倒出嚟，但潔白雪花嘅造型，冷艷而細緻，有啲唔捨得落刀嘅感覺。表層喺口感較輕柔嘅忌廉芝士，好似德國芝士餅一類咁柔滑，而內裡則喺相對較挺實嘅忌廉芝士，正正紐約芝士餅嗰種咁挺身濃郁，不過，因為中間加咗一層鮮雜莓醬，立時酸香嘅雜莓跟濃郁嘅芝士變得調和，唔會太過重膩。Neve，有外表，更有內涵！
Neve (Mixed Berries Cheesecake)
$48
34 views
0 likes
0 comments
翠綠嘅杉樹造型，再撒點糖霜，真喺夠晒意境。朱古力脆餅底加入果仁粒，已經有心思，而樹身喺蘋果慕絲，再加入混有玉桂炒過嘅蘋果粒，幼滑嘅慕絲散發淡淡嘅蘋果清甜，玉桂蘋果粒更喺香軟富玉桂香，不愧蘋果跟玉桂依一對「味力」組合。
Abies (Apple Cinnamon Mousse Cake)
$48
71 views
1 likes
0 comments
小弟都喺鍾情甜品配咖啡，所以，又喺點一杯心愛嘅焦糖鮮奶咖啡。醇香柔滑嘅咖啡，蘊含輕盈嘅奶泡及沉香嘅焦糖，一啖餅，一啖咖啡，甜與香嘅交織，細味悠長。
焦糖鮮奶咖啡
$40
73 views
1 likes
0 comments
聖誕片裝朱古力（Assorted Christmas Chocolate） $58以寶藍色星星外型吊飾盒為包裝，內有5片跟聖誕相關唔同造型嘅朱古力，如聖誕樹、薑餅人……等，均以黑朱古力或牛奶朱古力製作。
朱古力花生果仁（Crunchy Chocolate Dragees） $58換上鮮紅色星星外型吊飾盒，甚為搶眼，內有7粒朱古力花生果仁，香脆嘅果仁被香濃嘅朱古力包著，永遠都大有市場。
瑪德蓮蛋榚（Christmas Madeleine in Tin） $108本身喺源自法國嘅貝殼小蛋糕，遙身一變變得更的骰嘅花杯形小蛋糕，3款味道分別喺黃色嘅檸檬味、綠色嘅抺茶味和紅色嘅紅桑子味，每粒都獨立包裝，質感濕潤結實，淡淡牛油清香。若有法國朋友，送上依款小蛋糕唔知可唔可以稍稍為佢解鄉愁。
聖誕喺個普天同慶嘅日子，相信你都會跟家人或朋友一齊溫馨歡渡，共嚐甜蜜美點。
Post
