尚上下夏 - 養生雞煲火鍋 (Closed)

一年365日都可以打邊爐嘅我，知道呢度開咗間新嘅打邊爐，所以約埋媽咪嚟食。鋪頭面積唔係好大，全場滿座，晚飯時段由七點到九點幾，我都見到佢滿座。週末嘅關係，自己又衰因為冇訂枱，所以都等左差唔多成半個鐘。係等緊嘅時候，職員都好好人，俾個位我媽咪坐低等。見到呢度嘅餐牌好正，可以食雞煲，再加火鍋。但因為怕自己食唔晒嘅關係，最後我都淨係嗌左火鍋。鴛鴦鍋 - 養生藥膳湯再配四川麻辣。未浸食物之前先飲一飲個湯，煲藥膳湯真係好濃嘅藥材味；麻辣鍋又真係幾辣。叫咗媽咪鍾意食家嘅蝦，依然好新鮮，真係生蝦咁跳。而我牛魔王，點少得叫本地手切肥牛，個牛顏色好靚，花紋都好均勻，肉質軟嫰，牛味濃郁，入口好好味。另外，仲叫咗我鍾意食嘅皇帝菜，新鮮爽口。呢餐非常之滿足。