冇計, 大家都冇錢開飯.
一行9個人, 要坐迫d. 地方屈質, d 凳麻麻地好坐, 地下多垃圾.
朋友們大多叫鐵板餐, 因為大件夾抵食, 只需$30, 不過加野飲就要$5/$7
我叫左個咖哩雞飯, 飲凍奶茶 $32, 一黎平d, 二黎冇咁熱氣
個飯好似被批走一角. 食完都只係麻麻地飽
咖哩開頭食唔係好辣, 但食落又ok, 仲有d 清清地既味道.
雞唔係好滑, 好多骨, 講真最憎就係食雞有咁多骨
真係... 好麻煩架嘛.
同埋都比左幾多雞皮. 唔係連住肉, 只係淨雞皮在咖哩上飄浮
薯仔... 都唔係好大舊, 不過冇煲到溶晒就真既. 都唔會煮得好生.
奶茶都唔錯, 係甜左.
我朋友叫既咖哩豬扒, 要意粉
一黎到, 真係O晒咀. 點解意粉會係茄汁意粉.
雖然鐵板餐跟意粉都係茄汁意粉, 但依家係咖哩... 係咪應該用另一隻意粉呢?
點解d 伙計會覺得咁樣襯法冇問題架? 真係好奇怪喎, 兩種味點溝埋一齊
就算係得茄汁意粉, 係咪都應該同人講聲係有茄汁架呢...
最大可能就係平時d 食客都咁食. 伙計就冇為意.
哩間野都幾爆幾多人.
而且d 野都幾抵食. 尤其扒餐
但係叫咖哩就真係要問清楚d. 唔好叫意粉啦.
