日本料理一向係我嘅大愛！當日非常有食蠔嘅慾望，可惜店員話今日返貨嘅蠔開箱時發現唔新鮮，所以老闆決定今晚menu上冇！小店如此，成本應該係會好大嘅考慮因素！但係店主依然堅持食材品質，希望客人食到嘅都係最好！聽完店員逐一細心介紹，連醬油都係店主自己親自調教！堅！😳
先來個前菜！牛蒡同蒜頭都非常特別！讚！
馬糞海膽加拖羅小卷！海膽非常新鮮甜美！
中拖羅，牡丹蝦，大拖羅！你一刻我簡直唔想講嘢！只想沉醉於油脂喺我口入面遊走嘅感動！😭
小店特色推介．油甘魚三點！分別有油甘魚背，油甘魚腩細切．配日本細蔥加紫菜食，同油甘魚腩厚切！油脂豐富但係同拖羅嘅感覺唔同！另外一番風味！😋
深海池魚！正到無朋友！😂
好味到已經忘記咗呢度有三隻咩嘅蝦！可以問吓店員，因為我好推介！😋
左口魚裙邊壽司！
炸蝦卷同平時其他店食嘅口感有啲唔同！非常鍾意呀！🤗
送酒必選！炸池魚！🐟🐟🐟
燒牛舌！唔眀點解可口咁軟但依然彈口！水準之作！😋
明太子雞翼！我哋連雞翼尖都唔放過！😆
最後拎啲蝦頭去煮個粥！先甜可口！
最後一行四人，飽到第二朝！😋😋😋
I will be back!!! 😎
