梅之味 (麗都大廈) (Closed)

去灣仔探朋友，見到呢間台式溫馨小店，坐位寬敞，見到餐牌多選擇，除了台灣菜，還有特別菜色，所以試下。先叫了香樁豆腐，這個冷盤麻油味香，濃味的香樁菜配埋豆腐粒好夾。小食叫了鹽酥雞，非常脆，尤其雞皮好酥脆，乾身唔油膩，甚有台灣風味，又唔會太咸，主菜見到竟然有招牌酸菜魚$168，所以試下，非常大碗，有魚片、豆芽、酸菜、菇，仲有薯粉，已經好飽肚，另外欣賞個白飯，粒粒大粒，似珍珠米有米香，不過太飽都吃不下。台式飲品叫了開胃的冬瓜檸檬，有三大片檸檬，生津解渴。