Video
Read full review
2010-12-07
107 views
雨過天晴，這夜食家於港島收工，終於有緣一試想吃很久的鋒記小炒王﹗地點絕不易搵，我地從筲箕灣打的去，司機車左我地去愛民街，成條街都係整車的地方，好不容易才在一個小巷中發現其招牌，細心一點在中段找找，應可找到﹗小店格局，室內座位不多，今晚無得坐街，場內爆滿只有呆等十五分鐘。來這兒只為一樣野﹗就係佢地最出名既胡椒豬肚雞煲﹗$140﹗當然是獅威出場的時候，$14支不算貴﹗入到這間店已聞到陣陣雞油香，怕因全場都係食緊呢個煲﹗湯頭呈奶白色，夠哂濃厚﹗睇佢地既雜誌訪問，原來係用豬骨、雞肉及雜菜以長時間熬煮而成，真的絕不欺場﹗聽說老闆每星期親自到深圳入大量白胡椒，先炒香後煮湯底時以原粒胡椒、胡椒碎及胡椒粉作湯底，點會唔出味？怪不得那傳上來聞到的胡椒香很清純醒神，是新鮮的香氣吧？每煲用上一隻雞，足料得很﹗千萬不要眼闊肚窄吃定其他餸料，食埋先好講啦﹗雞肉全斬件，件件大份﹔豬肚下得極多，有食極都食唔哂既感覺﹗趁住雞油未出，當然整番碗湯先啦﹗真係奶白色架﹗入口鮮甜無比，沉重而濃郁的胡椒味道香而不辛，喝後暖胃醒喉又舒服，冬天整番碗，真係此曲只應天上有﹗唔係講少架，飲完碗湯，成碗底都係胡椒粒及碎，這麼足料那會不好
地點絕不易搵，我地從筲箕灣打的去，司機車左我地去愛民街，成條街都係整車的地方，好不容易才在一個小巷中發現其招牌，細心一點在中段找找，應可找到﹗
小店格局，室內座位不多，今晚無得坐街，場內爆滿只有呆等十五分鐘。
來這兒只為一樣野﹗
就係佢地最出名既胡椒豬肚雞煲﹗$140﹗
當然是獅威出場的時候，$14支不算貴﹗
入到這間店已聞到陣陣雞油香，怕因全場都係食緊呢個煲﹗
湯頭呈奶白色，夠哂濃厚﹗
睇佢地既雜誌訪問，原來係用豬骨、雞肉及雜菜以長時間熬煮而成，真的絕不欺場﹗
聽說老闆每星期親自到深圳入大量白胡椒，先炒香後煮湯底時以原粒胡椒、胡椒碎及胡椒粉作湯底，點會唔出味？
怪不得那傳上來聞到的胡椒香很清純醒神，是新鮮的香氣吧？
每煲用上一隻雞，足料得很﹗
千萬不要眼闊肚窄吃定其他餸料，食埋先好講啦﹗
雞肉全斬件，件件大份﹔豬肚下得極多，有食極都食唔哂既感覺﹗
趁住雞油未出，當然整番碗湯先啦﹗真係奶白色架﹗
入口鮮甜無比，沉重而濃郁的胡椒味道香而不辛，喝後暖胃醒喉又舒服，冬天整番碗，真係此曲只應天上有﹗
唔係講少架，飲完碗湯，成碗底都係胡椒粒及碎，這麼足料那會不好味？
雞肉用上嫩雞，偏肥而肉多，不宜滾得太耐，盡早趁佢熟後就食，雞肉才不會o鞋口﹗
由於雞較肥，雞油會愈滾愈出，見到對面的食客會用湯匙撈起面頭的雞油繼續打，我地懶，快快食埋佢就算了﹗
豬肚新鮮而爽身，有咬口，沒有出面吃到的那朕內臟怪膱味。
吸入了湯底的鮮味，我與食家本不愛吃也吃了大半，很不錯﹗
每煲配上生菜一籃，均衡飲食﹗
最後成煲連湯連雞連豬肚清哂，只係淨番一陣雞油﹗
其他火鍋配料就麻麻地都係大路的丸類、水餃、菜等，無咩興趣﹗
叫個小炒又怕兩個人食唔哂，所以決定飽飽地就埋單﹗其實兩個人食一煲已是挺飽的了﹗連兩支啤酒$168唔收加一，抵啦﹗
味道很愜意，食家話會再來，再來會叫埋多0的老友記，試下佢其他的小炒菜色，不過為著這個胡椒煲來，也是值得的﹗
鋒記小炒王地址:
http://smallsmalllin.openrice.com/
我的無聊微博:
http://t.sina.com.cn/smallsmalllin
更多相:
http://hk.myblog.yahoo.com/smallsmalllin/article?mid=22647
Post
