不過鋪面細,只得六個位,
每次行過有人排緊隊,
今日經過竟然有位,終於比我試到.
哩度唔止有湯麵,仲有撈麵,
仲有炸物.
最終決定食下午茶B餐既細何五餸麵,
初時以為下午茶會細細碗,但黎到都唔細碗,
麵同餸都多,
細何b五餸係陳皮魚蛋,豬紅,豬皮,蘿蔔同埋滷水雞翼,跟油麵,
魚蛋有淡淡陳皮香,豬皮有dd辣味,
真係dd架咋,滷水雞翼夠入味,
飲啖個湯,正喎,抬頭一睇,唔怪得咁正啦,
作為一個車仔麵, 四十蚊五個餸,
比個咁足料既湯底,仲包埋支烏龍茶,
都算幾過份,
不過我仲過份, 飲到飲清埋,照鏡!
大滿足!
