四面泰泰式火鍋

Open Now

Now Closed

朋友想打邊爐，我又想食泰國菜，一於去食泰式火煱。每一檯都會叫寶藏海鮮手工金盒，入面有海蝦,台山桶蠔,爽脆皖魚,鮮脆珊瑚蚌,鮮活鮑魚仔等。全部海鮮都好新鮮同埋擺盤擺得好靚，上枱嘅時候仲會啲乾冰效果，好啱打卡。叫寶藏海鮮手工金盒會包湯底，特別要讚佢個湯底其實係湯，意思真係冇加水似我哋平時叫嗰啲湯，非常濃郁！濃湯之餘但個味又剛刪好！好似冬陰功湯,平時湯嘅話會比較偏酸同辣,製成湯底濃郁得嚟，味道比較中性啲，好適合打邊爐,真係要試下！美國雪花牛小排，脂肪分布均勻，呈現美麗的雪花狀，肉質非常嫩滑，入口即化。手打墨魚丸墨魚丸真係好好食，絕對唔係平時食嗰啲，真係啖啖鮮味，推介！泰國金邊粉平時打邊爐就會食烏冬，泰式火鍋就梗係叫金邊粉先夾。招牌椰皇凍原個椰皇用椰水整燉蛋，再整為果凍，好有椰香，好清新！