海鯛魚湯專門店 (Closed)

今日同朋友經過鰂魚涌見到呢間餐廳好似好吸引，有幾多人食，仲諗住去試吓，點知都不錯，值得推薦。👍🏻👍🏻👍🏻我點左海鯛魚片湯烏冬，海鯛魚片湯味道鮮甜，風味濃厚，飲得係用新鮮鯛魚頭和身經過長時間熬製而成，完全冇味精，幾乎冇加任何調味料，先可以做到呢個咁自然真實嘅魚湯，每一口都係鮮味。另外，烏冬十分彈牙，再追加左八爪魚 ，爪肉又爽又彈，咬落juicy。🐙🐙🐟🐟🍲🍲套餐加配左不二家白桃果汁，桃味濃郁，猶如鮮榨嘅白桃汁，裏面有豐富嘅果肉粉。🍑🍑🍑朋友點左三文魚帶子丼飯，刺身幾新鮮，厚切又大片，冇魚骨，師傅手勢不錯。三文魚有六片，肥美濃郁，帶子有兩片，用青瓜片夾住，上碟吸睛，帶子大粒，咬落鮮甜可口。另外，仲可以選擇多飯或者少飯，自己選擇，胃口的朋友可以環保啲，同時大食嘅朋友又唔洗怕食唔飽。🐟🐟🍣🍣🍱🍱