麗島小廚 (Closed)

石門越嚟越多好嘢食，最近新開咗呢間食雞煲嘅，見佢閒日夜晚都幾多人食，就早少少去試下。聞到人哋個麻辣雞煲好香好吸引，不過都係養生嘅海南椰子雞煲啱我多啲～呢個椰子雞煲不得了！真係原隻椰子喺你面前倒曬啲椰汁落個煲度，再加埋啲海底椰，成個湯底勁勁勁鮮甜，忍唔住飲咗兩碗湯入面嘅竹笙都好入味好好食！倒完重有椰子肉食，冰凍清甜，肉質嫩滑雞煲可以揀半隻雞/全隻雞，圖為半隻嘅份量，啲雞都幾新鮮，唔會有雪味。調味料除咗有常見嘅豉油、指天椒同蔥，竟然仲有青檸同沙薑！原來喺辣豉油度加青檸汁都幾夾，有埋沙薑直頭可以自製沙薑雞超級推介呢個「即炸芝士脆響鈴」，真係夾咗成埋芝士喺入面！！芝味濃到化不開，必點！！什菇籃有金菇、冬菇、雞脾菇同秀珍菇，滿滿一大盤，菇菌愛好者表示好開心。冬瓜片吸汁力強，充滿椰汁湯底嘅鮮甜味。鱔魚片新鮮又彈牙~~紅薯粉份量相當多，抵食！總括嚟講，食材都幾新鮮。我本身係打邊爐一定要點豉油嘅豉油控，但因為今次嘅湯底夠曬鮮甜，所以食嘅時候都幾乎冇點過豉油。果然新鮮就係最好嘅調味！