麺匠 真武咲弥 (Moved) New Location

近排又開始凍番，最啱食番碗熱辣辣嘅拉麵。黎到灣仔，就見到依間日式裝潢嘅拉麵店。拉麵店提供3款特定拉麵同埋1款每日限定嘅拉麵，仲有幾款小食，貴精不貴多。今次就想食辣，所以點咗炙熱辣味噌拉麵($85)，揀咗普通辣。首先試咗佢個湯底，非常濃郁，辣味好香，仲透出啖啖鮮甜味，唔係淨係得個辣宇。拉麵彈滑，而且份量非常多，我同朋友都覺得食得好飽。拉麵嘅配料有叉燒、蔥、筍等等，叉燒肥瘦均勻，好香口，有啲可惜淨係得一片，加$15就可以加多啲叉燒。再額外點咗自家制炸雞($55，共5件)，平時食開嘅都好細舊，點知依度嘅炸雞好有份量，炸得香脆之餘，仲調味得好惹味。我本身唔中意食雞皮好厚嘅炸雞，依度嘅皮好薄又唔肥依度，滿足咗我唔少，下次一定要食埋其他小食！