一鍋瘋 (Closed)

因為同行朋友都鐘意打邊爐，所以我地揀左依間位於旺角既一鍋瘋試下，佢地主打一人一鍋粥底火鍋，我地一早已經訂左位，不過晚飯時間都吾算多人。每個坐位已經有個小型電磁爐，湯底選擇有椰子、菠菜、栗米、甘荀、紫薯。我揀左椰子粥水，味道清甜，朋友就揀左粟米同菠菜，味道都係差吾多，都係比較淡。至於主打既十道鮮味海鮮盤就可以食到鮑魚、蠔、肉蟹等，海鮮口尚算新鮮，不過個湯底既質素一般，好淡冇乜味，佢既質地就真係粥水咁好水，朋友都話同清水冇分別。平時食粥底火鍋通常食晒d海鮮都好夠飽，今次我地仲額外加左其他餸(要留意套餐吾包餸) ，不過份量好少，每樣都係得3件，感覺吾太抵。食到差吾多，我地就叫佢加飯，我果鍋已經淨返好少水，但佢放完配料之後就遲遲吾加飯好奇怪，我再追問既時候佢先再加水，而飯同水既比例好隨意，我地自己攪勻，煮到少少稠身就食得，竟然味道出乎意料幾好味，可能之前煮既海鮮令成鍋粥更入味。整體黎講，食海鮮既時候個湯底好淡並冇令海鮮提味，不過食晒所有海鮮後煮粥就好味得多，想試既朋友就要留意了。