海皇粥店 (樂道) (Closed)

情人節就去左試海皇粥店個粥底火鍋，成日見佢貼張海報出黎，但menu又唔見有喎 其實如果有一份menu係有齊海皇所有野會容易睇啲😃 好似成日見到有啲宣傳海報有新野，但佢個menu又唔見咁 呢樣野海皇可以改善下。咁講返個火鍋先，平時食海皇都係點完餐再自己拎，但唔知係淨係呢間係咁定晚市都係咁，竟然係坐埋位有人過黎幫你點餐同送餐😮 不過可能因為情人節好多人既關係，等左好耐都未有人幫我地執枱同點餐。到我地終於叫左人過黎點餐既時候，侍應竟然話未有火鍋，但嗰時已經差唔多八點。可能係太忙未得閒轉返個火鍋牌出黎就叫我地等等。於是又等左幾分鐘 終於叫到。😑我地叫左一個醉雞配南瓜粥底 一個雙份豚肉配豆漿底。之後啲野食黎先，再有侍應拎個爐過黎，好似吉野家咁，但之後唔知點解個侍應坐左係我地對面，原來佢係想幫我地點着個爐 但我地呆左，去咁多間餐廳都未見過侍應會坐係對面😅 啲侍應對粥底火鍋生手到好似係今日先推出呢樣野咁 希望其他分店會好啲啦食物方面醉雞，豚肉，湯底同油炸鬼都出色既，但個蔬菜盤同三色滑真係不了。價錢小貴，如果個餐係有埋野食會開心啲。有機會都可以再食，但就唔會食返呢間分店啦