雲香園小鍋米線

Open Now

Now Closed

作為米線關注組成員，又點會錯過 尖沙咀呢間新開米線店雲香園呢😂餐廳以QR 落 單， 湯底可以揀麻辣、酸辣湯底，仲有不同辣度，適合唔同嘅人，湯底原來新鮮熬煮6小時☺揀咗肥牛小鍋米線，酸辣小辣，味道酸酸辣辣，好開胃，加咗通菜同豬大腸，通菜吸湯一流，必食！豬大腸入味，口感軟淋，份量都幾多！另一碗就揀咗撈米線配芥蘭同腩肉，腩肉口感煙韌軟糯，芥蘭個量好驚人😂撈米線軟硬適中，每條米線都好入味！小食必食涼拌墨魚頭，蒜味十足，口感爽口彈牙，必食之選！嚟到呢到不得不試佢地杯奶茶，喺老板親身學嫁！！每杯奶茶都溝幾款茶葉沖製，所以茶味十足！正式茶餐廳奶茶☺