早幾日同老婆去食侍拉麵，味道一流！
首先個醬油熟成雞煮干湯拉麵，我揀左 1/3清雞加 2/3煮干，加埋煮干油，湯底超濃郁，好好味！煮干嘅鹹香同醬油熟成雞嘅鮮味完美結合，啖啖都係層次感，正到爆！😃👍🏻
另一碗醬油熟成雞白湯拉麵就更 creamy，雞白湯夠晒厚身，飲落好順喉，同樣超正～👏🏻
至於拉麵好彈牙，入面既豚肉，脆骨雞丸子，全部都好正，肉味鮮甜 😋
小食方面，samurai 炸雞外脆內嫩，咬落去肉汁爆出嚟，調味剛剛好，唔會太鹹，我諗送酒的話一流！👀
甜品今日係開心果巴斯克蛋糕 & 昭和硬布甸，巴斯克蛋糕堅果味香濃，口感綿密；布甸就係舊式風味，滑溜得嚟甜度又啱啱好，好有驚喜！😍👏🏻
飲品試咗頂立冷萃咖啡 & 冷泡八女煎茶，咖啡帶微酸，回甘清爽，煎茶就清香解膩，完美結束呢餐。我同老婆都大讚，呢間一定要 encore！
