遊木人 (Closed)

日係街收到佢既傳單, 見行到, 女仔又幾nice咁! 一於跟佢上去睇睇啦! 初初去到樓下都驚驚, 事關佢雖然係商業大廈, 但樓下有桑拿同夜總會既招牌, 不過女仔話唔駛驚, 事關夜總會只係擺個招牌係度, 個門口實則係砵蘭街邊!一上到去個感覺係另一個世界, 豉油街頭咁雜, 估唔到有處咁清幽既好地方! 即時好有係台灣咖啡館既感覺! 佢度都算幾大, 好少樓上Cafe有咁既空間感! 有戶外又有室內! 平台仲有千秋坐, 好寫意呀!人都好好傾, 見我新, 問我駛唔駛介紹, 咁至介紹我佢舖既招牌菜, 唔似得有好似唸口黃咁係咁講一輪! 跟住我試佢個朱古力火, 真係好好味, 抵食過hagen dazz好多好多! 真係十個抵呀! 飲品名好攪笑, 有: 是但, 求其, 唔係呀嘩, 好多無厘頭既名, 不過都有注釋既! 我點游大人精選同佢coffee, 精選就緊係掂架啦! 估唔到coffee都好掂, 一問至知佢用貴價咖啡, 仲貴過starbucks呀! 我個friend係super coffee fans, 飲後都話好!度仲有好多玩具玩, 有大件亦有好多細細件, 人多玩又得, 人少又得! 最緊要係人好nice,