Video
Read full review
2022-01-18
159 views
何車車仔麵係一間算係港日Fusion嘅特色車仔麵，因為佢哋嘅餸有唔少日式嘅元素，例如關東煮、日式叉燒、唐揚炸雞……餸嘅款式同種類都算多，仲可以揀配湯麵、撈麵或者菜底，鍾意食辣嘅朋友仲可以加佢哋嘅秘製辣汁、咖喱或者麻辣～何車嘅總店開喺界限街，之前已經見到好多人推介，但因為位置唔太就腳，所以一路都無去試，12月頭嘅時候佢哋開咗大南街嘅分店，所以我哋終於的起心肝去試吓～當晚係平日夜晚7點左右，雖然前面有6-7人，但等咗唔夠10分鐘就有位～ 偏舖頭嘅裝修行日系簡約風，雖然座位都排得算密，但由於門口較大，都幾通風，唔會焗促～•📸 自選車仔麵 (河粉、燒豬頸肉、日式叉燒、糖心蘿蔔) $51河粉係偏幼但厚身啲，食落更有咬口，亦都無咁易爛～ 因為好多時食車仔麵嘅河粉都好易夾兩夾就粉碎，呢間嘅就唔會！👍🏼湯底我揀咗鹵水汁+腩汁兩溝，飲落幾清，味道偏甜，又唔會好口渴，同啲餸/河粉都幾夾🤤🥢 日式叉燒 $15🥢 糖心蘿蔔 $11日式叉燒切得比較薄身，亦都偏細塊，但一食就幾有驚喜，因為日式醬油味好濃，成塊叉燒都好入味，而且肥瘦均勻，一啲都唔乾唔韌😋蘿蔔煮得好腍，完全無渣，仲要煮得好甜好入味🤩 扣分位係呢兩款
何車嘅總店開喺界限街，之前已經見到好多人推介，但因為位置唔太就腳，所以一路都無去試，12月頭嘅時候佢哋開咗大南街嘅分店，所以我哋終於的起心肝去試吓～
當晚係平日夜晚7點左右，雖然前面有6-7人，但等咗唔夠10分鐘就有位～ 偏舖頭嘅裝修行日系簡約風，雖然座位都排得算密，但由於門口較大，都幾通風，唔會焗促～
•
📸 自選車仔麵 (河粉、燒豬頸肉、日式叉燒、糖心蘿蔔) $51
河粉係偏幼但厚身啲，食落更有咬口，亦都無咁易爛～ 因為好多時食車仔麵嘅河粉都好易夾兩夾就粉碎，呢間嘅就唔會！👍🏼
湯底我揀咗鹵水汁+腩汁兩溝，飲落幾清，味道偏甜，又唔會好口渴，同啲餸/河粉都幾夾🤤
自選車仔麵
$51
2 views
1 likes
0 comments
🥢 日式叉燒 $15
🥢 糖心蘿蔔 $11
日式叉燒切得比較薄身，亦都偏細塊，但一食就幾有驚喜，因為日式醬油味好濃，成塊叉燒都好入味，而且肥瘦均勻，一啲都唔乾唔韌😋
日式叉燒
7 views
0 likes
0 comments
蘿蔔煮得好腍，完全無渣，仲要煮得好甜好入味🤩 扣分位係呢兩款餸嘅份量都唔多🙈
糖心蘿蔔
8 views
0 likes
0 comments
🥢 燒豬頸肉 $15
燒豬頸肉係其中一款幾多人推薦嘅餸～一上枱食第一嚿係幾香口，但之後浸湯耐咗再食就變得比較普通，可能叫另上或者跟撈麵會好少少～ 而且個豬頸肉有少少乾柴，好重五香粉味，個人嚟講都係比較鍾意香茅/蜜汁味嘅豬頸肉多啲🤣
燒豬頸肉
6 views
0 likes
0 comments
•
📸 蒜油蝦子撈麵 (燒牛舌芯、牛肚、豬紅) $57
蒜味好濃郁但偏甜，整體味道略嫌單調，食到尾仲有啲太油膩，可能加少少咖喱汁/麻辣汁會惹味啲😛 蝦子份量都多，但由於係擺咗啲餸上去先再灑上蝦子，所以啲麵都唔算沾到好多蝦子😕
蒜油蝦子撈麵
8 views
0 likes
0 comments
🥢燒牛舌芯 $15
呢個燒牛舌芯估唔到會有啲驚喜！😳 雖然睇落有啲薄，但咬落仲食到牛舌嘅爽口口感，而且燒得幾香，又有牛味🤤 真係幾正～
燒牛舌芯
10 views
0 likes
0 comments
🥢牛肚 $15
🥢豬紅 $12
牛肚滷得好腍好入味，而且完全無內臟嘅腥味🤤
牛肚
7 views
0 likes
0 comments
豬紅係朋友食嘅，朋友話豬紅好入味，口感幾滑，而且無臭味，算係食過其中一間最好食嘅豬紅！
•
🥢 唐揚炸雞 $14 (加餸之一)
呢個其實係車仔麵加餸之一，但因為係另上所以就分開咗影～
炸雞炸得乾身，炸衣好薄，而且係連雞皮咁炸，啲雞皮都炸到脆卜卜，好香口，配埋唔算辣嘅芥末籽醬，都幾惹味😋 但雞肉嘅肉質稍乾，扣咗少少分～
唐揚炸雞
7 views
0 likes
0 comments
•
🥢 炸媽媽餃 (3粒) $15
媽媽餃其實係細細隻嘅韮菜餃，餡料都算飽滿，都幾香韮菜味，雲吞皮炸得好脆👍🏼 配咗個疑似係黑松露蛋黃醬(因為有啲黑色粒粒嘅)，但蛋黃醬味好濃，無乜黑松露味～ 其實蛋黃醬好似同所有炸嘢都好夾😜 整體嚟講可以一試～
炸媽媽餃
7 views
0 likes
0 comments
•
🥢 白玉烏龍茶 $17
佢嘅餘韻好甜，甜到有陣好似羅拔臣啫喱啲甜味😂 烏龍味唔夠香，唔係太啱我口味🙈
白玉烏龍茶
7 views
0 likes
0 comments
Post
