PizzaExpress (時代廣場)

黎PizzaExpress大家只會諗起食Pizza? 今次唔同了，原來餐廳由9月開始推出左「Flavours of Hong Kong」全新菜單，以英式幽默演繹香港風味，再唔係食Pizza 咁單調！

今次有好幾款全新創意菜式，包括星洲米/非正宗海南雞薄餅，鑊氣沙嗲牛意粉，菠蘿包等等。

最鐘意呢款「鑊氣沙嗲牛意粉」，沙嗲醬炒製嘅意粉配上啖啖燉牛臉肉，再加上巴馬臣芝士，菠菜同洋蔥，十級惹味。另外個「正宗海南雞薄餅」都真係食到成個海南雞風味，但佢又係Pizza，好得意。

呢款小食：「真係」菠蘿包都好值得試！經典地道菠蘿包經過全新演繹，變成精緻旗子size，香脆金黃外皮再搭配濃郁牛油芝士醬，一口一啖，超享受😋。