麵賜園 (Closed)

經過女人街會見到一排隱蔽嘅餐廳，今次揀咗一間專門食麵同埋飲靚咖啡嘅餐廳。神級豬隊友湯麵，$68原來豬肉會另上，一大碗，而且係炸嘅，炸到好香口麵我哋揀咗幼麵，口感同平時食嘅麵有啲唔同，介乎係麵同米線之間，幾特別。另外一定要加$8加麻辣汁，好好味，可以就咁加落碗麵度，或者將啲麵撈起，放入去，好似沾麵咁。龍仔海鮮蒸飯，$88蒸飯份量好足，兩個人share食先得，上面有蝦、青口、生蠔同埋蟹柳，中間仲有粉絲，有啲似平時嘅蒜蓉蒸海鮮，加入佢嘅醬汁，幾鮮。話梅浸雞翼，套餐加$25平時食滷水雞翼食得多，見到份雞翼嘅時候，覺得好似冇乜味咁，但其實都幾入味幾好味，酸酸甜甜好開胃。日本舞茸炒雜菌，套餐加38一定要點呢個炒雜菌，份量十足，仲加入日本舞茸，炒得好香。手搖冰啡，套餐加$40估唔到食麵嘅舖頭居然有cafe級數嘅咖啡，朋友話幾鍾意杯齋啡，唔太苦亦唔會酸，啱晒佢，夏天飲啱晒。鮮奶烘焙，$40同平時cafe飲嘅latte相似，好滑好易入口，亦有咖啡嘅香味，唔錯。另外仲叫咗牛油果蝦多士，$48，又一款幾特別嘅菜式，平時嘅蝦多士中間夾咗牛油果，不妨一試。仲有$8嘅流心蛋，好流心，抵食。