Video
Read full review
2018-08-13
57 views
約埋幾個朋友仔去旺角行街，幫朋友M 裝身扮靚靚， 但係行街之前，當然要醫飽個肚喇。旺角雖然多嘢食，但係太多選擇又真係幾難揀嘅， 又唔想食太飽，簡簡單單食個車仔麵都係一個唔錯嘅選擇。行到女人街附近見到呢一間車仔麵都幾有特色，除咗有車仔麵之外，仲有酸辣粉﹑麻辣燙，同埋唔同嘅小食，好似幾得意咁。 坐得都幾舒服，唔會太迫。空間感幾足，唔會好似附近某啲餐廳咁坐得咁迫。選擇都幾多，有唔同嘅餸 ，30蚊一個麵加一個餸，另加餸就每款七蚊， 下午茶時間仲送嘢飲添，感覺唔錯。另外仲有麻辣燙同重慶酸辣粉，幾有特色咁。朋友就嗌咗一個港式車仔麵，有牛腩、冬菇、龍蝦丸，佢個選擇咗腩汁，偷咗一啖嚟試，都幾香。至於我就嗌咗椰青水，費事飲汽水啦，清清哋最啱解辣。我就嗌咗麻辣燙，要魷魚、豬腸同響鈴，跟薯粉。 魷魚都幾爽口，豬腸就好有鹵水香味，唔錯。響鈴就可以吸收到麻辣湯嘅味道，正呀，好味。其實都幾大碗，份量都唔細。值得一提嘅係薯粉煮得好軟身，好滑好好食，不過真係好難夾， 好容易一夾就跌返啲粉落湯， 要小心彈到自己。另一個朋友就嗌咗車仔麵配薯粉，魚肉春捲、蘿蔔同牛腩，特別嘅係可以另加辣汁， 咁可以控制辣度，想試辣又怕辣嘅朋
旺角雖然多嘢食，但係太多選擇又真係幾難揀嘅， 又唔想食太飽，簡簡單單食個車仔麵都係一個唔錯嘅選擇。
行到女人街附近見到呢一間車仔麵都幾有特色，除咗有車仔麵之外，仲有酸辣粉﹑麻辣燙，同埋唔同嘅小食，好似幾得意咁。
坐得都幾舒服，唔會太迫。
空間感幾足，唔會好似附近某啲餐廳咁坐得咁迫。
選擇都幾多，有唔同嘅餸 ，30蚊一個麵加一個餸，另加餸就每款七蚊， 下午茶時間仲送嘢飲添，感覺唔錯。
另外仲有麻辣燙同重慶酸辣粉，幾有特色咁。
朋友就嗌咗一個港式車仔麵，有牛腩、冬菇、龍蝦丸，佢個選擇咗腩汁，偷咗一啖嚟試，都幾香。
至於我就嗌咗椰青水，費事飲汽水啦，清清哋最啱解辣。
我就嗌咗麻辣燙，要魷魚、豬腸同響鈴，跟薯粉。 魷魚都幾爽口，豬腸就好有鹵水香味，唔錯。響鈴就可以吸收到麻辣湯嘅味道，正呀，好味。
其實都幾大碗，份量都唔細。
值得一提嘅係薯粉煮得好軟身，好滑好好食，不過真係好難夾， 好容易一夾就跌返啲粉落湯， 要小心彈到自己。
另一個朋友就嗌咗車仔麵配薯粉，魚肉春捲、蘿蔔同牛腩，特別嘅係可以另加辣汁， 咁可以控制辣度，想試辣又怕辣嘅朋友可以一戰。
Post
