瓏門冰室 (Closed)

我地兩個今日放工後食晚飯時間行過尖沙咀，經過龍門就入去支持一下。疫情下佢地都好細心為客人提供紙袋袋口罩，好方便又衛生佢哋晚飯有唔少意粉同飯款的配搭都好新穎，好似我們叫咗蜜糖雞翼配焗卡邦尼豬扒意粉，同埋咖喱牛肉拼炸帶子飯。兩個餐都有餐湯送，另一個仲有多士。 羅宋湯味道好濃，好多雜菜。加埋多士一齊好夾。多士有牛油香，都好香脆。意粉上枱嘅時候非常之熱，好香濃嘅白汁味，賣相好吸引。雞翼香口，豬扒都好大份好林，意粉配合埋醬汁都幾好味。牛肉份量好多, 一啖肉一啖飯加埋咖喱汁都幾好食。佢地嘅咖喱汁比較重花生醬味，似沙爹。熱朱古力幾香濃熱檸蜜幾好味, 有好多檸檬片喺裏面另外佢地餐牌上都有好多特別飲品，下次再來再試。