坐底開openrice睇下有乜好食, 嘩嘩嘩死啦得4個笑, 心諗今次係咪中伏?! 再睇下official website, 雖然日本好似冇分店,但都係日本人開的. 應該有一定水準和管理,就俾個機會佢吧.
做完風險評估, 唔敢叫咁多, 我地叫左沖繩海鹽鐵板炒麵和豚角煮飯.
食物很快上枱. 賣相不錯的.
沖繩海鹽鐵板炒麵 - 很普通很油的港式炒麵. 有蝦,魷魚, 豬肉, 荵,洋蔥,紅蘿蔔. 上面有隻半生熟太陽旦. 味道很重黑椒, 我覺得係重手了點.
豚角煮飯 - 很普通港式豬肉飯. 有豬肉, 溏心蛋和醃高菜. 溏心蛋是全熟的, 0%溏心. D飯太多水, 好似食’爛'飯咁. 另外所謂的角煮, 同我expect 的實在太大落差 - 又乾又硬又冇汁, 同煲湯D湯榨一樣, 真係咬唔入.
至於服務方面, staff都很勤力, 不停加茶, 食完立刻清理枱面, 又冇趕客小動作. 不過餐廳一定係食物味道行先, 唔好食服務幾好都冇用.
雖然其他分店的食評不錯, 但食完呢餐都唔想再去試!!
