掛念港式扒房風味，每次都會黎到太子呢間「第尾牛扒」。今晚放工，又再想念呢種港式風味。
幾好既牛扒，幾靚既環境，幾貴既餐牌，都難以同港式扒房相比。
黎到呢度，梗係食佢地既「好味道晚餐」餐牌上既套餐。有湯、餐包、扒、同餐飲，一個餐都唔駛一百蚊，整個餐牌最貴個餐，一百蚊有找。
上次黎食左雜扒，今次回歸起點，食西冷扒
點左羅宋湯，黑椒汁西冷牛扒，同熱檸水，樣樣都港味十足
呢度既羅宋湯，係屋企整無限次都整唔到
佢既味道真係獨一無二
西冷扒要7成熟，但仍然好軟滑，充滿牛既味道
伴碟有薯菜，真係絕配
