飛鷹餐廳

除咗太子嗰邊有啲懷舊扒房，深水埗呢間飛鷹餐廳都好出名㗎，今日就嚟到試吓佢哋嘅懷舊港式鐵板。喺門口入到去，好似返咗幾十年前咁樣，所有裝修好懷舊。

1

雜扒餐($138)
呢個價錢，有牛扒，豬扒，雞翼，腸仔同埋煙肉，係正常雜扒嘅種類同份量，牛扒同豬扒嘅肉都唔會好嚡，好易咬。佢哋嘅黑椒汁好出色，配搭鐵板真係好正，我另外仲加咗蒜蓉喺面，呢個係必叫嘅。
牛柳餐 ($137)
牛柳配咗蒜蓉汁，我個人覺得黑椒汁係比較惹味，牛柳都係一樣好容易入口，口感唔錯，都好有牛味。