荃灣分店地點係千色附近，非常方便！裝修好懷舊，好佩服佢嘅用具都係配合主題，極豪華！
湯底揀咗個好少見嘅蜜瓜豆乳濃湯！超級誇張呀！成隻蜜瓜上，玫瑰形狀嘅冰豆漿，真係好震撼，唔好以為得個樣，湯底好清甜，龍躉都好新鮮！
牛肉拼盤好多款牛肉，一次過滿足哂所有願望呀，每款牛肉都好過質素，牛味濃，新鮮！
蔬菜拼盤都好抵讚！竟然有蓮藕、紫准山、茼蒿、木耳等等高級菜🤩🤩
豚肉完全唔輸俾牛肉，冇騷味，食到豬肉嘅甜味！正呀
手工肉丸同埋餃子都係水準之作，真材實料，俾蟹粉一D都唔會手緊，好香好實淨！
最尾有火焰豆腐花，本來諗住已經超飽應該會食唔落，但太好味啦，竟然食到2碗🤣🤣
臨走見到好多家庭黎食，可能係家庭聚餐之選！
#大滾友 #荃灣 #荃灣美食 #火鍋 #生啤 #打邊爐 #手切牛肉 #花膠雞湯鍋 #卜卜蜆 #火鍋
