總廚主理係前喜記炒蟹的大廚，所以就算係平日嘅星期三晚上，餐廳亦是座無虛席，所以記得打電話預早約好座位，walk-in有機會需要預留等待時間。
百香果檸檬梳打
梳打加入新鮮酸甜百香果非常清新，夏日消暑好開胃。
凍檸7
經典大排檔必點飲料，除咗啤酒之外😉。
泰式無骨鳳爪
原隻無骨鳳爪，加上微微酸辣，不易開胃之選。
樓上小炒王
唔想叫菜咁普通，就要試吓經典小炒王。師傅炒得好夠火喉，香炒腰果，韭菜鮮味十足😋
金沙涼瓜條
炸咗之後一d都唔苦，爽口沒有苦澀味。
金沙脆魚皮
邪惡的鹹蛋炒魚皮，香脆而乾身不油膩，味道很好。
拔絲咕嚕肉
半肥半瘦的肉排，肉質鬆化，外層仲保持到脆口，帶有微微拔絲的效果配開胃紅椒及菠蘿，酸酸甜甜，開胃可口!
蠔仔菜脯煎蛋
蠔仔挺多的，味道好鮮甜，充滿鑊氣。
黑蒜蝦仁炒飯
炒飯粒粒分明，配合黑蒜同蝦仁，入口甘香。
蟹油炒麵
用炸蟹的油炒作而成，非常惹味，避風塘招牌必點菜式！
魚香茄子煲
拎出來的時候煲還在沸騰，令肉汁不停從外彈出彈出，熱騰騰一直在冒煙，光學賣相已經流口水了！
每一口吃出淡淡鹹魚肉粒鮮味，送飯一流。
奉送番薯糖水
蕃薯好夠甜味，薑味十足，為我們豐富的晚餐作完美句號
