台南阿豆仔 (Closed)

星期五晚諗唔到食乜，銅鑼灣又多人，蝦子餅就提議去呢間新嘅台灣餐廳。由於時間尚早，餐廳唔係太多人，立即有位。我望吓隔離枱嘅食物，並唔係太吸引，所以我亦唔敢叫太多（諗住好食先再叫） - 只係叫咗炒米粉，滷肉飯，蚵仔煎同埋一杯飲品。滷肉飯都合格，但係如果可以多啲汁就更好。炒米粉的而且確係用正宗嘅新竹米粉，不過煮法就唔係好台灣。蚵仔煎亦中規中矩，蚵仔大粒，味道都ok。以價錢來講，絕對合格，但要有心理準備係港式嘅台灣菜，感覺並不地道。店員都有禮貌，但我唔係好頂得順男店員不停用台灣腔去講食物名同多謝，例如攞野飲比客人嘅時候，佢哋會話 '台灣地道飲料呵～～～'。 Sorry, 我有幾次忍唔住笑。