街坊Cafe (Closed)

女人街餐廳林立，但講到特別，我就想share一下呢間街坊cafe，佢既港西fusion菜夠曬特別，絕對值得一試。望下附近，好多人都有點龍蝦，幾吸引咁，就點一個有龍蝦的set dinner試下，有湯有野飲！Maindish係波士頓海鮮龍蝦汁河粉，完美咁將西式mix埋港式！如果唔鐘意，亦都可以將河粉轉返意粉。龍蝦整邊上，完全足料。龍蝦汁夾埋蟹子撈河粉，鮮甜惹味。餐湯方面，亦有得選港式或西式，一向鐘意試新野既我，當然係試下碗仔翅啦！配埋熱檸茶，夠曬港式！除左龍蝦外，都幾欣賞佢既甜品餐牌，種類比得上出面甜品鋪，價錢亦好合理，可以晚餐加甜品一家餐廳搞掂！芒果pancake，一碟有四舊仲有雪糕送，夠曬兩個人食到飽，認真抵食！