高飛漢堡 (Closed)

今日試左最近在長沙灣新開的高飛漢堡，門口和鋪位裝修好有傳統美式的風味，店內有座位可以堂食，不過我同朋友就外賣返公司食，我地叫左經典漢堡同墨西哥漢堡，一個跟薯條，另一個跟豉油雞翼，飲品用罐裝的。外賣大約等左15分鐘先有得攞，再行10分鐘返到公司，打開後，兩個包外觀都唔錯，仲好漲book book，到開始食，兩個飽基本上同一個味道，只是其中一個多左塊車打芝士，唔覺得有d咩分別，包皮有黑芝麻同白芝麻，幾惹味。薯條是傳統茶餐廳的波浪薯條，但好似炸得唔夠脆。另外雞翼似係醬汁味多過似豉油味，可能因為外賣關係，唔夠熱同好林。價性比唔係好抵食。