Video
Read full review
2018-06-17
2180 views
肥髀閉關溫習後想食日本菜，所以帶佢去呢間未試過嘅，事前打電話去訂位，準時去到，店家真係留咗位，店內幾細，窄長地方略迫，桌椅都係沙灘🏖️上見嘅摺枱椅！枱面加塊透明膠保護！食物款式幾多，剔好格仔紙交單後，食物好快到！鹹檸啤🍺（$36）第一次飲，以為係鹹檸味帶啲啲啤酒味，點知係普通啤酒帶啲鹹味！一般燒菠蘿🍍（$16）兩片連皮菠蘿，燒得香甜多汁，燒過之後無生菠蘿喇脷嘅物質！剩下甜味！好味日本迷你甜蕃薯🍠（$16）肥髀最愛，蕃薯香甜好味蟹籽蟹柳沙律🥗（$42）大大碗好多蟹柳絲，蟹籽卜卜脆，不過墊底嘅係生菜絲不是青瓜，無咗青瓜嘅多汁同爽脆！一般安格斯雪花一口牛🐮（$38）肉粒嫩，牛味重，一啲都唔韌，肥美好味！蒜茸燒蠔🐚（$24）太多蒜茸，我𢳂走啲蒜茸先見到蠔肉，蠔肉嫩滑，幾新鮮，好味日式冷稻庭烏冬🍜（$42）木盤盛戴，烏冬扁身，嫩滑煙韌，沾汁有薑茸、蔥粒、鵪鶉蛋、芥辣，清爽好味清酒煮蜆🍶（$55）已經比埋空碗裝殻，蜆肉嫩滑，不過當中兩隻有沙，清酒味幾濃，所以清酒汁有點苦！鹽燒雞中翼🐔（$20/2隻）雞翼開邊，皮燒到卜卜脆，雞肉嫩滑，落咗少許鹽，味道鹹香芥末雞骨腸🌭（$15）腸燒到出晒油，外面微焦，腸
店內幾細，窄長地方略迫，桌椅都係沙灘🏖️上見嘅摺枱椅！枱面加塊透明膠保護！
食物款式幾多，剔好格仔紙交單後，食物好快到！
99 views
0 likes
0 comments
鹹檸啤🍺（$36）第一次飲，以為係鹹檸味帶啲啲啤酒味，點知係普通啤酒帶啲鹹味！一般
燒菠蘿🍍（$16）兩片連皮菠蘿，燒得香甜多汁，燒過之後無生菠蘿喇脷嘅物質！剩下甜味！好味
日本迷你甜蕃薯🍠（$16）肥髀最愛，蕃薯香甜好味
蟹籽蟹柳沙律🥗（$42）大大碗好多蟹柳絲，蟹籽卜卜脆，不過墊底嘅係生菜絲不是青瓜，無咗青瓜嘅多汁同爽脆！一般
安格斯雪花一口牛🐮（$38）肉粒嫩，牛味重，一啲都唔韌，肥美好味！
蒜茸燒蠔🐚（$24）太多蒜茸，我𢳂走啲蒜茸先見到蠔肉，蠔肉嫩滑，幾新鮮，好味
日式冷稻庭烏冬🍜（$42）木盤盛戴，烏冬扁身，嫩滑煙韌，沾汁有薑茸、蔥粒、鵪鶉蛋、芥辣，清爽好味
清酒煮蜆🍶（$55）已經比埋空碗裝殻，蜆肉嫩滑，不過當中兩隻有沙，清酒味幾濃，所以清酒汁有點苦！
鹽燒雞中翼🐔（$20/2隻）雞翼開邊，皮燒到卜卜脆，雞肉嫩滑，落咗少許鹽，味道鹹香
芥末雞骨腸🌭（$15）腸燒到出晒油，外面微焦，腸衣脆皮，腸肉肥美，好味！
燒芝士年榚🎎（$33）肥髀至愛，面微焦，年榚煙韌，日本芝士唔會太強芝士味，芝士餡軟滑好味！
鹽燒多春魚🐟（$30）一碟4條，燒得乾身鹹香，魚肚好多春，卜卜脆好味！
紐西蘭羊架🥩（$55）斧頭型，羊架好厚，中央又無唔熟，羊肉唔膻，調味輕手！食到羊肉香味！有肉汁唔乾，好味！
原個日本柚子雪葩🍊（$56）真係用柚子皮盛裝，雪葩上枱時已是淋身質地（唔知係唔係打過先上枱）雪葩柚子味清新，微酸微甜好清新新爽，冰感唔重！軟軟清滑的，好味！
食物幾好味，又又啲特別款式（至少鹹檸啤/柚子雪葩都係少見）唯一男店員有禮斯文，得佢一個做樓面，所以忙翻了，亦見有客問落咗嘅食物未到，不過我張枱就順利齊晒啲食物，到場後已有人客等位（好在有訂枱）所以食完就走，唔阻翻枱做生意！
雖然港式串燒，做得幾有心，食物好味！
Post
