Video
Read full review
2025-08-11
0 views
自從港島南綫開通，黃竹坑呢個地方由昔日嘅工廠區，搖身一變成為唔少人假日嘅好去處。最近新開嘅商場THE SOUTHSIDE，更加係帶旺咗成個區。商場入面食肆林立，其中一間就係由台灣新竹過江龍「段純貞牛肉麵」。 呢個品牌喺台灣享負盛名，標榜以23種香料藥材熬製湯底，更曾獲台灣牛肉麵評鑑五星級最高評價，聽個名都覺得犀利。🍜 鎮店之寶牛肉麵：湯底濃郁，肉質軟腍有驚喜嚟得「段純貞」，無理由唔試佢個招牌牛肉麵。我哋點咗一碗「招牌紅燒腱心牛肉麵（微辣）」同埋「胡椒湯酸菜豬腳麵」。招牌紅燒腱心牛肉麵（幼麵）$86.0🥩 碗麵一上枱，濃郁嘅紅燒湯頭香氣撲鼻而來。飲一啖湯，味道果然醇厚，牛骨味突出，帶有微微嘅麻辣感，唔會太刺激，反而幾開胃。 麵入面有三大塊腱心肉，炆得非常軟腍入味，肉同筋嘅比例啱啱好，食落有啲膠質口感，一啲都唔韌。幼麵麵質正常，可以掛到湯。 胡椒湯酸菜豬腳麵（手工麵）$88.0🐖 相比起紅燒牛肉麵，呢碗胡椒湯底就係另一種風味。胡椒嘅辛香非常突出，但又唔會嗆喉，配埋酸菜嘅微酸，成個湯底好醒神。豬腳份量十足，炆得夠火喉，皮肉輕輕一咬就分開，骨膠原滿滿。最值得一讚嘅係個手工麵，麵條闊
自從港島南綫開通，黃竹坑呢個地方由昔日嘅工廠區，搖身一變成為唔少人假日嘅好去處。最近新開嘅商場THE SOUTHSIDE，更加係帶旺咗成個區。商場入面食肆林立，其中一間就係由台灣新竹過江龍「段純貞牛肉麵」。 呢個品牌喺台灣享負盛名，標榜以23種香料藥材熬製湯底，更曾獲台灣牛肉麵評鑑五星級最高評價，聽個名都覺得犀利。
🍜 鎮店之寶牛肉麵：湯底濃郁，肉質軟腍有驚喜
嚟得「段純貞」，無理由唔試佢個招牌牛肉麵。我哋點咗一碗「招牌紅燒腱心牛肉麵（微辣）」同埋「胡椒湯酸菜豬腳麵」。
招牌紅燒腱心牛肉麵（幼麵）$86.0🥩
碗麵一上枱，濃郁嘅紅燒湯頭香氣撲鼻而來。飲一啖湯，味道果然醇厚，牛骨味突出，帶有微微嘅麻辣感，唔會太刺激，反而幾開胃。 麵入面有三大塊腱心肉，炆得非常軟腍入味，肉同筋嘅比例啱啱好，食落有啲膠質口感，一啲都唔韌。幼麵麵質正常，可以掛到湯。
胡椒湯酸菜豬腳麵（手工麵）$88.0🐖
相比起紅燒牛肉麵，呢碗胡椒湯底就係另一種風味。胡椒嘅辛香非常突出，但又唔會嗆喉，配埋酸菜嘅微酸，成個湯底好醒神。豬腳份量十足，炆得夠火喉，皮肉輕輕一咬就分開，骨膠原滿滿。最值得一讚嘅係個手工麵，麵條闊身而有厚度，口感煙韌彈牙，吸收晒胡椒湯嘅精華，每一啖都好滿足。
🥢 小食不過不失，甜品有心思
除咗主食，我哋亦都點咗幾款小食同甜品，試下佢哋嘅整體水準。
小食類：鹽酥雞 ($48.0) & 麻辣鴨血冬粉 ($88.0)
「鹽酥雞」炸得算係香脆，外皮唔會太厚，但雞肉略嫌有啲乾，而且份量偏少，性價比一般。 「麻辣鴨血冬粉」嘅麻辣味就比牛肉麵嘅湯底再強烈啲，鴨血夠滑，但未算非常入味；冬粉吸晒湯汁，不過不失。整體嚟講，小食嘅表現比較平實，未算有太大驚喜。
蒜醬青菜（油麥菜）($48.0)🥬
油麥菜本身新鮮爽脆，蒜蓉醬調味正常，作為一餐中間嘅點綴都唔錯。
甜品類：純貞芋圓1號(凍) ($48.0) & 芝麻糊流沙湯圓(熱) ($30.0)🍧
食完熱辣辣嘅麵，整個台式甜品就最啱。「純貞芋圓1號」材料豐富，有仙草、紅豆、芋圓、珍珠同愛玉，整體甜度適中，芋圓Q彈有嚼勁，作為解辣同清涼嘅甜品係唔錯嘅選擇。 而「芝麻糊流沙湯圓」就比較有特色，熱辣辣嘅芝麻糊香滑，配埋入面有花生餡嘅流沙湯圓，口感層次豐富，估唔到台式餐廳嘅中式糖水都做得幾有水準。
Post
