一味燒 (Closed)

應該都冇邊個香港人唔鍾意食燒味飯😏🇭🇰，不過最怕遇到有柴又乾嘅叉燒😣。呢間偶爾經過嘅燒味舖又俾到我哋一啲驚喜喎。.📍雙拼飯（$55）當日去到冇晒燒鴨同燒腩仔，係有啲可惜嘅👉🏻👈🏻我哋一碗叫咗叉燒油雞，另一碗要叉燒紅腸嚟到見到燒味份量咁多已經開心返晒叉燒食落軟腍油潤🐷，真正做到半肥瘦，唔會啖啖肥膏同時唔會乾硬，雖然蜜汁唔多但已經好好食😻油雞有成隻雞髀睇到已經流晒口水🤤味道都OK紅腸就正常水準份量都唔少飯量多到一碟應該夠2個女仔分🍚喺港島區嚟講咁嘅質素同份量價錢真係幾抵食🤟