Video
Read full review
2023-12-07
671 views
朋友介紹呢間雞飯，話有水準之餘價錢唔貴，出開港島就去試下。有2人套餐，包含多啲野食。海南雞飯 $60★★★★☆雞份量幾多，去骨食落啖啖肉。雞皮好滑但唔夠爽，雞肉個雞味幾重，唔算係超級滑但唔會乾爭爭超鞋口，但比起一般黎講已經係幾出色。揀左油飯，食落係粒粒分明，但個油潤感差啲，唔太食到雞油香。金沙雞南雞飯 $60★★★☆☆金沙其實就係上面多左啲炸蒜咁，雞件基本上冇分別。炸蒜炸到幾香脆，配落雞件到就食落口感豐富啲，但偏咸左少少，就咁單食冇可能，一定要配飯。個人偏向原味海南雞。佢仲會包埋一碗冇味精湯，飲落足料，好有住家湯味道。呢個價錢幾抵食。🌟總括：大份兼價錢抵食，味道中上，呢個質素就係非常唔錯，去開附近都可以一試。
朋友介紹呢間雞飯，話有水準之餘價錢唔貴，出開港島就去試下。有2人套餐，包含多啲野食。
海南雞飯 $60★★★★☆
雞份量幾多，去骨食落啖啖肉。雞皮好滑但唔夠爽，雞肉個雞味幾重，唔算係超級滑但唔會乾爭爭超鞋口，但比起一般黎講已經係幾出色。揀左油飯，食落係粒粒分明，但個油潤感差啲，唔太食到雞油香。
金沙雞南雞飯 $60★★★☆☆
金沙其實就係上面多左啲炸蒜咁，雞件基本上冇分別。炸蒜炸到幾香脆，配落雞件到就食落口感豐富啲，但偏咸左少少，就咁單食冇可能，一定要配飯。個人偏向原味海南雞。佢仲會包埋一碗冇味精湯，飲落足料，好有住家湯味道。呢個價錢幾抵食。
🌟總括：大份兼價錢抵食，味道中上，呢個質素就係非常唔錯，去開附近都可以一試。
Post
