香港郵意明信片航海主題咖啡廳 (Moved) New Location

由銅鑼灣樓上cafe開始，一直對香港郵意都好有好感。年輕一代、小本經營、追夢、以旅行為主題、有自己既工作態度，令我未到訪之前已經一直留意呢間cafe。搬左黎灣仔一排，最近終於黎睇下新店係咩樣。位於巷仔之內，搵左一陣，但一入到黎就奶大驚喜。舖位比以前大左好多，提供更多書、board game，亦寄放左更多明信片同精品。最多驚喜，係多左幾隻可愛的小貓。餐牌亦有更多選擇，花多眼亂。最後，當然點左港女最愛既 Veggie All Day Breakfast同紫薯latte。 呢度靠自助。去到收銀機前落單，同店員溝通完先知原來menu上寫紫薯latte，但其實係香芋latte，唔緊要，一樣咁啱心水。Veggie All Day Breakfast 特別在唔係一般炒蛋，而係黑松露蛋餅，好香口。其他配料都不過不失。而紫薯latte香滑，有奶香，唔會太甜。Cafe黎講，呢度食物都算係唔錯，至於環境當然就一流。無旅行既日子，黎呢度hea下都開心啲。