老夫子港式餐廳 (Closed)

放假日同太太鬆一鬆，睇完戲後去九展搵野食，原來個場有唔少選擇，差唔多行左一個圈後見到老夫子港式餐廳，見到冇再諗，就呢間。睇 menu 分 4 大類+海南雞餐， 4 大類分別有麵，飯，燒味同炒類。我同太太都肚餓了，好快就諗好食咩，一人一個餐太太叫左宇宙大爆炸之吉祥百寶麵加油菜，因為個名咁特別，問左店員知道係唔同嘅丸，餃加麵，一次過幾款選擇，唔錯唔錯，見到野食到，太太話麵冇鹼水味，佢岩食，其他丸有咬口，唔錯。而我就叫左京都肉排飯，飯黎到已經聞到酸甜味，食落汁夠味，肉排有味，飯又煲得唔*爛*，岩哂口味，係汁比較多，如果多飯會更加好，不過我戰鬥力有限，食唔到多飯。大家食哂野後飽飽休息一陣，聽下老夫子歌仔 relax 一下 🙂🙂