Lady M

Open Now

Now Closed

星期日係尖沙咀食完飯，就順便係LCX行下街。一早都聽聞過Lady M好受香港女仔歡迎，終於有閒情逸致試一試，哈哈。大概八點幾到Lady M，本身驚好多人排隊，好彩客人流動得快，好快有位。叫左兩款口味嘅千層蛋糕：伯爵茶＆抹茶。前面嘅伯爵茶口味可謂係經典，連我唔太留意Lady M嘅人都知道呢款口味好受歡迎。一食落口真係比佢驚艷到，千層蛋糕做得出色夠多層之外，伯爵茶味道突出，味道清香但唔會膩。另一款抹茶都唔錯，自問自己算係抹茶控，不過偏好甜少少嘅抹茶。呢款面層抹茶粉厚度適中，相比千層蛋糕嘅抹茶忌廉回甘味重好多，略帶澀味。自己好少食伯爵茶味道甜品，不過呢次伯爵茶千層蛋糕絕對完勝抹茶千層蛋糕，佢清甜不膩嘅感覺令人食完甜品後嘅罪惡感都少啲～雖然一件蛋糕要60幾蚊起跳，不過佢味道又真係唔錯，間中放鬆下都未嘗不可。