武士拉麵 (Closed)

工作中忙裡抽閒既時候，與同事突然一致地想食拉麵，即刻search到公司附近既呢間小店!由於整條街大多數以韓食店為主，不過紅色招牌既拉麵店都好易搵到!店內裝修簡潔，保留日本傳統拉麵店既格局，一行約有10座位，bar檯位正正望住廚師以熟練既姿勢料理出一碗碗熱辣辣既拉麵!背後牆上既衣架可掛上外套，設計細心!各款拉麵以各個將軍名而命名，要邊個將軍好呢?!最終揀左四國香蔥油湯底拉麵，其他拉麵店無，呢個幾特別!豬骨湯底無足利將軍咁濃同油，但大量清香既蔥花好香，而且唔會愈食愈咸，麵質彈牙，薄切既叉燒肥瘦適中又唔韌，加上黑椒粒鋪面更香口，真想食多幾片!+$10既溏心蛋軟軟的，半融既蛋黃色澤鮮艷，入口即溶，果然無加錯拉麵本身已夠味，但好奇心試下檯面既調味料，紅色果個辣椒油幾夠辣，黑色果個係叉燒上既黑椒油，仲有一支店長既特製魚油，好香魚味，唔錯喔!至於同事既黑蒜油豬骨湯拉麵，我試左啖湯，湯底更濃！