甲泰船面 (Closed)

約朋友食晏，又係貪就近，於是黎左甲泰船面。大家都未食過，叫順勢試新野。主要基本湯底有三款，我揀左泰北清湯。飲啖湯就知加左tamarind，係東南亞獨有風味，酸酸味味好開胃醒神 😋 麵底有四款，粗米條、幼米條、黑穀米條、紅穀米條，所謂米條其實就係米粉😂 我揀左幼米粉，份量唔多，但同湯份量配搭得宜，好鬼好食。而呢個泰北清湯組合，餸料有大蝦、豬潤、豬腩肉等，非常豐富又好味。朋友就食海鮮濃湯，我就偷飲左啖湯，其實就係泰式喇沙，多一重椰奶香味，亦都yummy yummy 😋 餸料都多，值得一食呀 👍🏻唔想食米條，仲有咖哩飯餐揀，任君選擇。