裕滿人家 (Closed)

原來openrice個名叫「裕滿人家」唔係「元朗人家」，唔怪得搵佢唔到啦。今日清清地想食下素，估唔到呢間街坊酒樓有咁多無肉菜式，arm曬有唔同飲食需求既朋友仔。唉呀，個麥米粥真係一流，可惜無影到相….d豆好多同好淋，而且啖糖水好香麥米味，甜度均勻。第二好食莫過於南乳粗齋，細細碟。出面既齋都好多油，呢度既唔會，有好多種材料，最入味係蓮藕同荷蘭豆。個芝麻煎堆圓圓的，一咬開都相當流心。不過好唔夠熱，如果熱辣辣又流心咁就最正不過啦。叫健兒野菌炒米粉時，會跟一碟辣椒醬。我覺得個醬配得唔錯，甜甜地又無辣椒籽，比較似kfc個醬多過傳統中式辣椒醬。傳統中式辣椒醬﹝辣椒油﹞都係用黎配湯麵比較適合。