新蒸武門 (Closed)

上完大陸工幹返回觀塘寫字樓，在廠廈的大堂咁啱撞到好久沒見的朋友，他帶同大仔到廠廈的樓上鋪買運動用品，難得聚頭，約都無咁啱，順便食個晚飯，聚一聚聊天。寫字樓附近有間小菜館，是以食私房菜，清淡為主，好適合附近的白領的健康飲食。除左清淡小菜外，中午時分都有套餐選擇。前菜，係醒胃的小食，雲耳小辣加爽脆、豆腐皮蛋香滑可口。冬瓜瘦肉燉蟲草花，湯底清甜，一點都唔油膩，是夏天消暑滋潤的湯水。冰鎮鮑魚配涼拌三絲，鮑魚夠厚身，一口咬落，冰涼彈牙爽滑，鮮甜入味，配食青瓜、芽菜、紅蘿蔔絲，好爽口又開胃。荷葉籠仔蒸龍躉腩，荷葉的香味四溢，魚腩肉一梳梳，魚肉質鮮味嫩滑，粉絲、勝瓜放底蒸，吸收了魚腩及荷葉的美味精華，一樣可口。濃湯杞子浸菜，一餐飯，又點可以少左綠色食物，濃湯底配青菜的鮮甜味，杞子明目，鮮菇香口，夠清淡。