肥妹鮮果禮品店 (Moved) New Location

見兩日冇食生果，天氣又回暖咗，小肥就襯公司午飯時間仲有半個鐘，行咗落街搵鮮榨果汁飲。當日第一間就經過「肥妹鮮果店」，眼見細小o既店舖都算幾乾淨企理，雪櫃內o既水果色澤都唔錯，門外又有垃圾箱，感覺良好兼衛生 ，所以就行咗上前先研究餐牌。鎮守鮮果店o既肥叔叔友善地推介其果汁全為新鮮榨製，並無添加任何顏料或化學成份，包保健康美味 。見叔叔咁落力，小肥二話不說，就叫咗杯大裝蘋果石榴汁。蘋果石榴汁果真清新涼快，其蘋果味鮮甜，配上微酸o既石榴則有消滯之用，爽呀 ！$19一大杯，抵飲過又健康過買咖啡提神，XO仔已經諗定下次要黎試鎮店產品之消脂五蔬汁 ！