Video
Read full review
2025-01-09
55 views
做冬，聖誕，新年，一路係咁食食食，食到肚滿腸肥。想忍住唔食嘢，但肚餓又真係對於一個為食嘅人嚟講係好辛苦嘅事。決定去銅鑼灣嘅Poking食個夏威夷蓋飯，感覺會冇咁罪惡。tuna the classic($118) +$3轉淨沙律菜底（唔要飯同麵） + $12 冷泡玫瑰紅茶 + $15 香濃南瓜湯：好大嘅一碗！食完真係好飽. 吞拿魚份量多而且新鮮。牛油果棉滑。菠蘿香甜。青瓜同沙律菜都好新鮮爽脆。南瓜湯棉滑濃稠，用咗好多洋蔥去煮。冷泡玫瑰紅茶，玫瑰味好出，味道清香。香煎三文魚柳便當（$118）+ $28秘製牛腱肉 + $5椰子蜆湯：如果鍾意食熱食嘅朋友，呢度都有自選熱食便當可以揀。朋友要咗糙米飯底就更高纖。三文魚表面煎得香脆，入邊依然保留肉汁。牛腱肉煮嘅時間夠，所以易咬開，而且牛腱肉牛味都好濃。伴菜味道清甜，有雞髀菇片，粟米芯，甜豆同埋紅蘿蔔。值得加$5將個南瓜湯轉做椰子蜆湯，佢有兩款蜆喺入邊，每款掀起碼有三粒，令個湯有鮮味。間唔中食清啲，會覺得好舒服
做冬，聖誕，新年，一路係咁食食食，食到肚滿腸肥。想忍住唔食嘢，但肚餓又真係對於一個為食嘅人嚟講係好辛苦嘅事。決定去銅鑼灣嘅Poking食個夏威夷蓋飯，感覺會冇咁罪惡。
tuna the classic($118) +$3轉淨沙律菜底（唔要飯同麵） + $12 冷泡玫瑰紅茶 + $15 香濃南瓜湯：
好大嘅一碗！食完真係好飽. 吞拿魚份量多而且新鮮。牛油果棉滑。菠蘿香甜。青瓜同沙律菜都好新鮮爽脆。南瓜湯棉滑濃稠，用咗好多洋蔥去煮。冷泡玫瑰紅茶，玫瑰味好出，味道清香。
香煎三文魚柳便當（$118）+ $28秘製牛腱肉 + $5椰子蜆湯：
如果鍾意食熱食嘅朋友，呢度都有自選熱食便當可以揀。朋友要咗糙米飯底就更高纖。三文魚表面煎得香脆，入邊依然保留肉汁。牛腱肉煮嘅時間夠，所以易咬開，而且牛腱肉牛味都好濃。伴菜味道清甜，有雞髀菇片，粟米芯，甜豆同埋紅蘿蔔。值得加$5將個南瓜湯轉做椰子蜆湯，佢有兩款蜆喺入邊，每款掀起碼有三粒，令個湯有鮮味。
間唔中食清啲，會覺得好舒服
Post
