Video
Read full review
2024-07-27
193 views
今日為大家介紹大角咀一間新開嘅台灣料理，叫「添食堂」，位置就响大全街，亦即係已結業一段時間嘅「素菲亞」對面。有咩素食呢？鹽酥雞，嘩！滷肉飯，嘩嘩！新餐肉刈包，嘩嘩嘩！花枝丸，嘩嘩嘩嘩！🎇🎆🍛 素鹽酥雞滷肉飯便當 $65肉燥好多，味道亦好好，非常好送飯。雞比較少同細件，但同散叫嘅味道係一樣嘅（下面詳細再講）。我叫呢個之前有同店員確認一吓，因為菜式名叫「素鹽酥雞滷肉飯」，咁滷肉係咪都係素？可能你會諗，咁鹽酥雞係素，唔會一齊嘅滷肉唔係啩？就係因為我見過一間叫「紅米」嘅茶餐廳，有一期將素雞同唔同嘅肉類配搭，所以寧願多口問句，費事誤會啦。😅🥪 新餐肉刈包 $38$38 原來得一個，少貴，但都值得嘅，因為非常有風味。新餐肉煎到脆口，入面有啲酸菜，炸蒜同蔥，最驚喜嘅係有芫茜，我嘅最愛，唔怪得零舍香口。唔食芫茜嘅朋友唔使驚，QR code 落單係有走蔥，走芫茜嘅選項（仲有個係「走紅蔥乾酥」 唔知咩嚟）。🐥 素鹽酥雞 $40雖然便當都搭咗啲鹽酥雞，但散叫係正好多，因為大件啲冇咁「噏濕」，口感亦較正。懷念食 KFC，豪大大嘅素友有福了。味道就係正常鹽酥雞咁啦，好食到停唔到口，未清哂啲雞之前係唔想食其他嘢。
🍛 素鹽酥雞滷肉飯便當 $65
素鹽酥雞滷肉飯便當
$65
44 views
0 likes
0 comments
肉燥好多，味道亦好好，非常好送飯。雞比較少同細件，但同散叫嘅味道係一樣嘅（下面詳細再講）。
我叫呢個之前有同店員確認一吓，因為菜式名叫「素鹽酥雞滷肉飯」，咁滷肉係咪都係素？可能你會諗，咁鹽酥雞係素，唔會一齊嘅滷肉唔係啩？就係因為我見過一間叫「紅米」嘅茶餐廳，有一期將素雞同唔同嘅肉類配搭，所以寧願多口問句，費事誤會啦。😅
🥪 新餐肉刈包 $38
新餐肉刈包
$38
25 views
0 likes
0 comments
$38 原來得一個，少貴，但都值得嘅，因為非常有風味。新餐肉煎到脆口，入面有啲酸菜，炸蒜同蔥，最驚喜嘅係有芫茜，我嘅最愛，唔怪得零舍香口。唔食芫茜嘅朋友唔使驚，QR code 落單係有走蔥，走芫茜嘅選項（仲有個係「走紅蔥乾酥」 唔知咩嚟）。
🐥 素鹽酥雞 $40
素鹽酥雞
$40
37 views
0 likes
0 comments
雖然便當都搭咗啲鹽酥雞，但散叫係正好多，因為大件啲冇咁「噏濕」，口感亦較正。懷念食 KFC，豪大大嘅素友有福了。味道就係正常鹽酥雞咁啦，好食到停唔到口，未清哂啲雞之前係唔想食其他嘢。🤤
🍜 素花枝丸手撕雞香菇藥膳湯麵 $65
素花枝丸手撕雞香菇藥膳湯麵
$65
40 views
0 likes
0 comments
同上述講過嘅原因一樣，我都有先問手撕雞係咪都係素嘅先叫。可以揀手工刀削面或者新竹米粉，我揀咗刀削麵，麵質都 okay 但冇想像中咁有咬口，偏淋啲。個藥膳湯都算真材實料，幾香藥材味，食完啲麵我都飲哂啲湯，正。😊
手撕雞幾可亂真，真係好似浸淋咗嘅雞絲。花枝丸幾彈牙同爽口，而且幾鮮味。👍🏻
由於滷肉飯同新餐肉刈包我係同一餐食，期間我有個疑問，就係食到啲幾辣嘅嘢，我懷疑唔通係鹽酥雞？定新餐肉？定滷肉？我問店員，佢諗諗吓就醒起，應該係啲酸菜。係喎，因為個滷肉飯同刈包都有酸菜，唔怪得食食吓會辣啦。🌶️
餐廳裝修光猛，平實但舒服。埋單暫時唔收八達通，可以比現金，信用卡或支付寶。餐廳逢星期一休息。值得一提係，唯一嘅店員態度非常好，招呼殷勤之餘仲好好笑容，今時今日响餐廳都比較少見，唔通佢睇咗古天樂？🤔
Post
