COMEBUYTEA (悅來坊)

Open Now

Now Closed

2018年6月18日，下午5時買飲品，票號52，知道假期多人買要等，已經行陣街先去攞。返到去，叫53號飛，53號客人拎走飲品後，見枱面仲有一杯飲品，就走去問52號有未，店員對完張單同飲品話未有，將枱面個杯放返後面枱。一路等，一路叫後面號碼，都未等到。期間問左店員2次，叫佢幫我跟下杯飲品，佢望都無望過，就話沖緊，一路等到62號，都唔見我個杯飲品，走埋去望下62號叫咩飲品，竟然同我叫既一樣! 問店員點解我叫同一款野，但過左咁耐都未到，可否幫我跟下係咪漏單，或者俾人拎錯左。店員揾左一輪，最後竟然將放係後面枱個杯飲品俾我!! 剛剛問又話唔我的，對晒單都話唔係，放到杯野都變暖先話係，最嬲係個店員掉低杯飲品俾我就黑面走開，繼續收錢同俾飲品其他客人，完全無視我，亦無道歉。望住佢要求解釋，才不情願地講聲sorry。此時另一位店員先出現，話呢位同事新黎，未熟悉工作，可沖過杯新飲品俾我。已經等左好耐，亦對呢間店十分失望，最後要求退錢。我係鐘意飲其中一款飲品，先一路幫襯，但咁混亂的出飲品流程，不負責的店員，令人卻步，唔會再黎。