Dozy

Open Now

Now Closed

今晚行完深水埗，就去搵咗間開到晚上叫Dozy 咖啡店食dinner。coffeeshop 位於基隆街尾，見到煲仔飯再行落去，就會搵到間餐廳。 餐廳設計係森林工業風，非常迎合現代潮流。座位與座位之間距離寬闊，有私人空間，唔怕俾人聽到你同朋友仔講心事。西西里蕃茄海鮮意粉 $108超濃蕃茄味，海鮮材料亦足料。有三粒新鮮蝦仁、蜆肉及大量洋蔥，令意粉吸收晒蕃茄、海鮮嘅精華，食落非常惹味。蕃茄亦非常新鮮，帶甜唔會過酸。慢煮香草雞扒牛油果醬意粉 $98好少食牛油果醬煮嘅意粉，感覺幾特別。淡淡嘅牛油果味，再加上香草🌿慢煮而成嘅雞扒，非常健康。雞排皮煎到好香口，肉質滑嫩，脂肪平均，雞肉唔會過肥亦唔會太瘦。餐廳仲有好多咖啡及飲品order，但因為之前食左下午茶太飽，所以無叫飲品。