Will's Coffee (Closed)

個日落開深水埗見到佢平平無奇但又有幾個人買咖啡又好似幾香，就試D新食物買個外賣番屋企食。2個人食叫2個set，分別叫左一個蕃茄大蝦海鮮意粉同一個韓式辣醬泡菜豬肉原味bagel。個意粉味道吾錯蕃茄味岩岩好，隻蝦好驚喜煮得有彈性但吾會硬。個bagel正常吾會太辣，豬肉好軟嫩，少少辣恰當好處，泡菜同豬肉口感配合得幾好。另外兩杯飲品就叫左一杯泡沫咖啡Cappuccino，苦味偏多係好既咖啡，個人幾鐘意。仲有一杯就叫左曲奇忌廉沙冰，我平時好鐘意飲沙冰，但好多都好甜飲完就覺得真係好鬼甜，今次竟然吾會太甜又吾會無味，超級好味！總括黎講，呢間吾錯，特別係飲品好值特稱讚！