芝士冰室 (Closed)

今日嚟到深水埗玩具街買玩具比小朋友，經過福榮街見到新開左間芝士冰室，咪入去試吓，我哋2大2細，地方都坐得都舒服，有幅大大塗鴉幾靚，再睇吓佢哋個餐牌都幾多選擇，最後揀咗芝士豬扒撈公仔麵（芝士味濃豬扒好鬼厚），瀑布薯條（粗薯條比m記好得多)，”點點“扒芝士滑蛋三文治(比兜芝士醬你點幾過癮)，芝士煙肉焗通心粉(幾好味但份量少左啲啲)，招牌流心芝士包（呢個包真係又愛又恨，好好味爆晒啲芝士汁出嚟，但係我冇注意流到成衫都係😅）两個大人飲凍檸檬茶（佢哋用台灣香水檸檬好清香唔會好酸）小朋友飲芝士奶蓋紫薯鮮奶和芝士奶蓋柚子特飲（睇相就知有幾好飲），總括嚟講非常唔錯，會再幫襯😊😊