弄 · 燒 (Closed)

最近鍾意喺深水埗搵野食，咁啱見到有人介紹呢間串燒店，所以放工就決定去試下。深水埗D2出口一出行幾分鐘就到唔難搵。店鋪細細數埋都無廿個位，但好彩唔算太多人，一入去就有位坐。店員安排入座之後就比左2杯水同餐牌我地。日曆造型既餐牌餐牌其實就係點餐紙，直接寫上去就得，好方便。串燒類型包括蔬菜，肉類，海鮮，甜品。另外都有飯既選擇，唔洗驚唔夠飽小試牛刀無乜睇人推薦邊樣就是但叫左幾款1.薑蔥蓉蛋黃飯 唔係用普通米hea你嘅，份量黎講女仔應該岩岩好。我自己覺得都夠味嘅，男朋友就覺得淡咗啲。2. 雞軟骨 就係正常雞軟骨，無乜特別，不過不失。3.京葱雞腿肉串 京葱幾好食唔會燒到乾哂，雞肉唔會太老。可以試試4. 葱蓉牛舌叫咗幾樣都發現佢地好鐘意用葱做調味，牛舌係比較薄既個款，唔會燒過龍咬唔開，但就無乜牛味。5. 柚子調味五花腩串燒得啱啱好，唔會太肥太油，食完好滿足。值得叫既一款！6. 明太子雞翼食咗一啖太辣放棄咗，見到男朋友無乜特別comment,應該普普通通。7. 燒年糕配雲呢嗱雪糕年糕愛好者放棄咗比較多人食嘅燒棉花糖，叫咗呢款作為呢餐既總結建議將年糕拆落碟到沾黑糖同半溶雪糕一齊食會比較食到所有味道。幾唔