聽講欖角骨係招牌菜式，所以就選擇咗佢同魚香茄子（最愛❤️），兩款菜式味道都叫唔錯嘅，但欖仔骨嘅份量太少，size唔大，仲要得五小塊😅同魚香茄子嘅份量產生強烈嘅對比😂如果可以同另一款菜式嘅比例差唔多會好啲～而且欖仔骨肉質有啲韌。
另外，米飯既溫度唔太OK，食落口已經凍曬冷冰冰，當時只係下午一點幾（注：堂食而唔係外賣），所以溫度方面真係需要改善吓，明白餸菜可能提早煮定會涼咗，但米飯都係凍嘅有少少理解唔到(?)所以就算米飯份量好多，食咗幾啖都冇咩胃口。
總括而言，價錢係兩餸飯裡講算正常範圍。不過無論係員工態度（員工態度有啲唔耐煩lol）同食物質素都有待改善，希望見到有進步👍🏻
1
